Rəqəmsal dünyada görünürlük mübarizəsi apararkən, müştərilərinizin sizi asanlıqla tapa bilməsi kritik əhəmiyyət kəsb edir. Google My Business (GMB), artıq Google Business Profile adı ilə tanınan bu platforma, kiçik və orta bizneslər üçün ən güclü marketinq alətlərindən biridir. Məhz bu yazıda GMB-nin nə olduğunu, necə işlədiyini və biznesinizin lokal axtarışlarda birinci olmaq üçün nələr etməli olduğunu ətraflı şəkildə sizə izah edəcəyik.
Google My Business Nədir?
Google My Business, Google tərəfindən təqdim edilən pulsuz bir biznes idarəetmə platformasıdır. Bu platforma vasitəsilə şirkətinizin Google Axtarışında və Google Maps-də necə görünəcəyinə nəzarət edə bilərsiniz. GMB profili yaratdığınız zaman, müştəriləriniz sizi axtardıqda sizin ünvanınız, telefon nömrəniz, iş saatlarınız, şəkilləriniz, müştəri rəyləri və hətta xidmətləriniz haqqında məlumatlar dərhal görünür.
Təsəvvür edin ki, bir müştəri Google-da “Bakıda rəqəmsal marketinq agentliyi” yazır. Düzgün optimallaşdırılmış GMB profili olan şirkətlər axtarış nəticələrinin ən üstündə, xəritə ilə birlikdə göstərilir. Bu, sadəcə görünürlük deyil – bu, potensial müştərilərlə ilk təmas nöqtəsidir.
Google My Business və Google Business Profile Fərqi
2021-ci ildən etibarən Google My Business platforması Google Business Profile adı ilə rebrendinq edilib. Funksionallıq eyni qalsa da, ad dəyişikliyi Google-un bu xidməti daha inteqrasiya olunmuş və istifadəçi dostu etmək missiyasını əks etdirir.
Niyə Hər Biznes Üçün Google My Business Vacibdir?
1. Lokal Axtarışlarda Görünürlük
Araşdırmalara görə, istifadəçilərin 46%-i Google axtarışlarını lokal məqsədlərlə edir. “Yaxınlıqdakı kafe” və ya “Bakıda ən yaxşı reklam agentliyi” kimi sorğular edilir. GMB profili olmadan bu axtarışlarda siz sadəcə görünməzsiniz.
Lokal SEO Reytinq Faktorları:
- Biznes Adı və Kateqoriya: Əgər siz HVAC şirkətisinizsə, biznes adınızda “HVAC” sözünün olması üstünlük yaradır
- Biznes Məkanı: Şəhər mərkəzinə və ya axtaran şəxsə yaxınlıq (“yaxınımda” axtarışları)
- Müştəri Rəyləri: Rəylərin sayından çox, rəylərin nə qədər tez-tez əlavə edilməsi (review velocity)
- İstifadəçi Əlaqələri: Profilinizdən neçə zəng, sayt klikləməsi, istiqamət sorğusu alırsınız
- NAP Citations: Ad, Ünvan, Telefon məlumatlarının internetdə ardıcıl şəkildə təkrarlanması
Qeyd: GMB postları sıralama faktoru deyil, ancaq istifadəçi engagement-ini artırır.
2. İnam və Etibarlılıq
Müştəri rəyləri və reytinqləri birbaşa qərar vermə prosesinə təsir edir. Araşdırmalara görə, istifadəçilərin 88%-i onlayn rəylərə şəxsi tövsiyələr qədər etibar edirlər. Aktiv GMB profili olan, müştərilərin rəylərinə cavab verən biznes daha etibarlı görünür.
Pulsuz Reklam Platforması
GMB, Google-un sizə verdiyi pulsuz reklam sahəsidir. Doğru optimallaşdırma ilə Google Ads xərcləmədən əsas axtarış sorğularında görünə bilərsiniz. Bu, xüsusilə məhdud büdcəsi olan startuplar və kiçik bizneslər üçün qızıl fürsətdir.
4. Müştəri İlə Bilavasitə Əlaqə
GMB profili vasitəsilə müştərilər:
- Birbaşa zəng edə bilər (mobil cihazlardan bir toxunuşla)
- İstiqamət ala bilər (Google Maps inteqrasiyası)
- Mesaj göndərə bilər (GMB mesajlaşma funksiyası)
- Rezervasiya edə və ya sifariş verə bilər (inteqrasiyalar vasitəsilə)
Google My Business və SEO Əlaqəsi
GMB və Axtarış Motoru Optimizasiyası (SEO) arasındakı əlaqə çox güclüdür. Əslində, GMB lokal SEO strategiyanızın mərkəzi komponentidir.
Local Pack (Lokal Paket) və Map Pack
Google axtarış nəticələrində lokal sorğular üçün “Local 3-Pack” adlanan xüsusi bir bölmə görünür. Bu, xəritə ilə birlikdə göstərilən 3 biznesdir. Bu bölməyə düşmək üçün:
- NAP Ardıcıllığı: Ad, Ünvan, Telefon məlumatlarınız bütün onlayn platformalarda (veb sayt, sosial media, direktories) eyni formatda olmalıdır
- Düzgün Kateqoriya Seçimi: Primary kateqoriyanız biznesinizin əsas fəaliyyət sahəsini dəqiq əks etdirməlidir
- Aktiv Profil: Tez-tez yenilənən şəkillər, postlar və rəylərə cavablar
NAP Citations və Lokal SEO
NAP (Name, Address, Phone) məlumatlarının internetdə ardıcıl şəkildə təkrarlanması Google-un biznesinizin legitimliyinə inamını artırır. Bu məlumatlar:
- Veb saytınızda
- GMB profilinizdə
- Sosial media səhifələrinizdə
- Lokal biznes direktoriyalarında (Yelp, Yellow Pages, lokal platformalar)
Hamısında eyni formatda olmalıdır. Məsələn, bir yerdə “küç.” yazıb digər yerdə “küçəsi” yazarsanız, bu ardıcıllığı pozar.
Google My Business Profili Necə Yaradılır? (Addım-addım təlimat)
Addım 1 – Hesab Yaratmaq
- google.com/business ünvanına daxil olun
- “Manage now” və ya “İdarə et” düyməsinə klikləyin
- Biznes adınızı daxil edin
- Biznes kateqoriyanızı seçin (bu mərhələ kritikdir – daha ətraflı aşağıda)
Addım 2 – Məkan Məlumatları
Fiziki məkanınız varsa:
- Tam ünvanı daxil edin (küçə adı, bina nömrəsi, mərtəbə)
- Xəritədə markeri dəqiq məkan üzərində yerləşdirin
- Service area (xidmət ərazisi) əlavə edin (əgər müştərilərə gedib xidmət göstərirsinizsə)
Addım 3 – Əlaqə Məlumatları
- Telefon nömrəsi (lokal nömrə tövsiyə edilir)
- Veb sayt URL-i
- İş saatları (xüsusi günləri qeyd etməyi unutmayın)
Addım 4 – Təsdiqləmə (Verification)
Google sizə poçt, telefon, email və ya dərhal təsdiqləmə (instant verification – əgər Google Search Console-da saytınız təsdiqlənibsə) yolu ilə təsdiqləmə kodu göndərəcək. Bu kodu daxil edərək profilinizi aktivləşdirin.
GMB Profilini Optimallaşdırmaq Üçün Tövsiyələr
1. Primary və Secondary Kateqoriyaları Düzgün Seçin
Bu, ən vacib optimizasiya addımlarından biridir. Kateqoriya seçimi Google-a sizin nə etdiyinizi izah edən əsas signaludur.
Necə seçim edilməli:
- Primary Kateqoriya: Biznesinizin əsas fəaliyyəti olmalıdır. Bir rəqəmsal marketinq agentliyi üçün bu “Digital Marketing Agency” və ya “Marketing Agency” ola bilər
- Secondary Kateqoriyalar: Əlavə xidmətləriniz (SEO Agency, Advertising Agency, Social Media Marketing Agency)
- GMB Everywhere alətindən istifadə edərək rəqiblərinizin hansı kateqoriyaları seçdiyinə baxa bilərsiniz
Tövsiyə: 1 primary və 4-5 secondary kateqoriya seçin. Artıq kateqoriya əlavə etmək fokusu pozur və Google-u çaşdıra bilər.
2. Xidmətləri (Services) Əlavə Edin
Hər kateqoriya altında relevat xidmətləri siyahılaya bilərsiniz. Hər xidmət üçün:
- Xidmət adı
- 300 simvola qədər təsvir (açar sözləri təbii şəkildə daxil edin)
- Qiymət diapazonu (opsional, amma şəffaflıq yaradır)
Nümunə:
- Xidmət: “SEO Xidməti”
- Təsvir: “Veb saytınızın Google və digər axtarış sistemlərində sıralamasını yüksəltməyə yönəlmiş kompleks SEO strategiyası. Açar söz tədqiqatı, texniki SEO audit, məzmun optimallaşdırması və keyfiyyətli backlink qurulması daxildir…”
3. Məhsulları (Products) Əlavə Edin
Xidmət əsaslı biznesler üçün belə məhsul bölməsindən istifadə mümkündür. Hər xidmətinizi sanki məhsul kimi əlavə edin:
- Xidmət adı
- Şəkil
- Qısa təsvir
- Veb saytınızdakı xidmət səhifəsinə link
Bu, hər xidmət üçün ayrıca landing səhifələrinizə trafik gətirir.
4. Peşəkar Şəkillər Əlavə Edin və Geotag-i Unutmayın
Vizual məzmun GMB-də kritik əhəmiyyət daşıyır. Google-un araşdırmasına görə, keyfiyyətli şəkilləri olan bizneslərin veb sayt linklərinə klikləmə 35% daha çoxdur.
Şəkil növləri:
- Logo
- Cover foto
- Ofis daxili və xarici
- Komanda şəkilləri
- İş prosesi
- Tamamlanmış layihələr
- Məhsul/xidmət şəkilləri
ÖNƏMLİ – Geotag Əlavə Etməyi Unutmayın!
Şəkilləri yükləyərkən mütləq geotag (yerli koordinat) əlavə edin. Bu, Google-a şəkilin harada çəkildiyini göstərir və lokal SEO-nu gücləndirir.
Geotag necə əlavə edilir:
- Mobil telefonunuzla şəkil çəkərkən location servisini aktiv edin
- Və ya desktop kompüterdə şəkilin properties > details > GPS bölməsinə əl ilə koordinat daxil edin
- Şəkil redaktə alətləri (Adobe Lightroom, ExifTool) vasitəsilə metadata əlavə edin
Tövsiyə: Stok istifadə etməyin! Google original məzmunu daha yüksək qiymətləndirir. Mobil cihazla çəkilmiş real ofis və işçi şəkilləri ideal seçimdir.
5. Aktiv Qalın – Postlar və Yeniliklər
GMB-də müntəzəm post paylaşmaq engagement-i artırır və Google-a siqnal göndərir ki, biznesiniz aktivdir.
Post növləri:
- Yeniliklər və xəbərlər
- Xüsusi təkliflər və endirimlər
- Tədbirlər
- Məhsul/xidmət tanıtımları
Həftədə ən azı 1-2 post paylaşın. Postlar 7 gün sonra arxivə düşdüyü üçün davamlılıq vacibdir.
6. Rəyləri İdarə Edin
Rəylər lokal SEO-nun ən güclü rankinq faktorlarından biridir. Ancaq rəy sayından çox hansı tezlikdə rəy yazdıqları önəmlidir.
Rəy toplamaq üçün strategiya:
- Hər müştəri ilə əməkdaşlıq bitdikdən sonra rəy sorğusu göndərin
- Email imzanıza GMB rəy linkinizi əlavə edin
- Xatırlatma sistemləri qurın
Rəylərə cavab vermək:
- Pozitiv rəylər: Təşəkkür edin, konkret nəyisə qeyd edin
- Neqativ rəylər: Professional və həll yönümlü cavab verin, problemi öyrənin və həll təklif edin
7. Q&A (Suallar və Cavablar) Bölməsini Aktiv İdarə Edin
İstifadəçilər GMB profilinizdə birbaşa sual verə bilərlər. Bu sualları:
- Monitorinq edin (bildirişləri aktiv edin)
- Tez cavab verin (24 saat içində)
- Tez-tez verilən sualları özünüz yazıb cavablayın
Bu bölmədə açar sözləri istifadə etmək SEO-ya kömək edir.
8. Veb Sayt və GMB Məlumatları Uyğunluğu
GMB profilinizdəki məlumatlar veb saytınızda da eyni şəkildə olmalıdır:
- NAP məlumatları
- Seçdiyiniz xidmətlər
- Kateqoriyalar
Veb saytınızın əsas səhifəsində və ya xidmətlər səhifəsində GMB-də seçdiyiniz kateqoriya və xidmət adlarını heading-lərdə (H1, H2, H3) və paraqraf mətnində istifadə edin.
Nümunə: Əgər GMB-də “Social Media Marketing” xidmətini əlavə etmisinizsə, veb saytınızda:
Social Media Marketing Xidməti
Digital Hero olaraq peşəkar social media marketing həlləri təqdim edirik... tipli yazın
9. Müştəri İlə Əlaqə Statistikalarını İzləyin
GMB Insights bölməsi sizə göstərir:
- Profiliniz neçə dəfə göstərilib
- Hansı axtarış sorğuları ilə tapılırsınız
- Neçə nəfər zəng edib,veb sayta keçid edib
- Şəkillərinizə baxış sayı
Bu dataları təhlil edərək strategiyanızı təkmilləşdirin.
10. Məkan Kateqoriyası Üçün Xüsusi Funksiyalar
Bəzi bizneslər üçün GMB əlavə funksiyalar təklif edir:
- Restoran: Menyu əlavə edə bilər, rezervasiya inteqrasiyası
- Hotel: Otaq növləri, qiymətlər
- Servis biznesləri: Onlayn rezervasiya və qiymət təklifləri
Biznesinizə uyğun funksiyaları araşdırın və aktivləşdirin.
GMB-də Çox Filial və Məkan İdarəetməsi
Bir Biznesin Çoxlu Filialı Varsa?
Əgər biznesinizin Bakı, Gəncə, Sumqayıt kimi müxtəlif yerlərdə filialları varsa, hər biri üçün ayrı GMB profili yaratmalısınız.
Prosedur:
- GMB-yə daxil olun
- Sol menyudan “Manage locations” və ya “Ünvanları idarə et” seçin
- “Add location” və ya “Ünvan əlavə et” düyməsinə basın
- Hər məkan üçün unikal məlumat daxil edin
- Hər məkanı ayrıca təsdiq edin
Məsləhət: Hər filialın telefon nömrəsi və veb səhifəsi (landing page) fərqli olmalıdır. Bu, Google-un onları fərqli biznes məkanları kimi qiymətləndirməsinə kömək edir.
GMB Profili İlə Reklam Vermək
GMB profilindən “Create Ad” və ya “Reklam Yarat” düyməsi sizi Google Ads platformasına yönləndirir. Google Ads ilə lokal axtarış reklamları (Local Search Ads) yarada bilərsiniz.
Lokal reklamların üstünlükləri:
- Xəritə və axtarış nəticələrində ön plana çıxırsınız
- Məkan və radius əsaslı hədəfləmə
- Zəng, istiqamət, mesaj kimi birbaşa əlaqə imkanları
- Mobil istifadəçilər üçün yüksək konversiya
Tez-tez Edilən Səhvlər
1. Profili Yaradıb Tərk Etmək
GMB profili “qur və unut” növündə bir alət deyil. Müntəzəm yeniləmə, cavabvericilik və məzmun əlavə etməlisiniz.
2. Kateqoriya Yığışdırmaq
Çox kateqoriya seçmək fokusunuzu pozur. Yalnız real xidmət göstərdiyiniz kateqoriyaları seçin.
3. Rəylərə Cavab Verməmək
Həm pozitiv, həm neqativ rəylərə cavab verməmək potensial müştərilərə pis mesaj göndərir.
4. Stok Şəkil İstifadə Etmək
Google və müştərilər orijinal məzmunu üstün tuturlar. Real şəkillər istifadə edin.
5. NAP Uyğunsuzluğu
Müxtəlif platformalarda müxtəlif ünvan/telefon formatı Google-u çaşdırır və sıralamanıza zərər verir.
Google My Business rəqəmsal marketinq strategiyanızın əsaslarından biridir. Düzgün qurulmuş və davamlı optimallaşdırılan GMB profili ilə siz:
- Lokal axtarışlarda top 3-ə ola bilərsiniz
- Müştəri etibarlılığınızı artıra bilərsiniz
- Pulsuz orqanik trafik cəlb edə bilərsiniz
Əgər siz də biznesinizi rəqəmsal dünyada güclü bir mövqeyə gətirmək, lokal müştərilərinizin sizi asanlıqla tapmalarını təmin etmək istəyirsinizsə, bizimlə əlaqə saxlayın. Peşəkar komandamız sizin üçün tam həllər təqdim etməyə hazırdır!