AIDA modeli nədir ?
AIDA modeli müştərinin məhsul alışı prosesini mərhələlərə bölərək izah edən marketinq yanaşmalarından biridir. 19-cu əsrdən bəri marketinq və PR sahələrində istifadə edilən model bu dövr ərzində üzərində çoxlu dəyişikliklər edilərək təkmilləşmiş və bugünkü halını almışdır.
AIDA modelinin mərhələləri hansılardır ?
AIDA modeli öz adını “Attention”, “Interest”, “Desire”, “Action” sözlərinin baş hərfindən almışdır.
AIDA modeli öz adını “Attention” (Diqqət), “Interest” (Maraq), “Desire” (İstək), “Action” (Hərəkət) sözlərinin baş hərflərindən almışdır. Modelin istifadəsində əsas məqsəd potensial alıcının diqqətini cəlb edərək onu maraqlandırmaq, istək yaratmaq və nəticədə onu müəyyən bir fəaliyyətə məsələn, məhsulu almağa sövq etməkdir.
Attention
Attention (Diqqət) mərhələsi, insanların məhsula və ya xidmətə diqqətə çəkmək məqsədi daşıyır. İnsanların diqqətini çəkmək üçün “creative disruption” yanaşmasından istifadə etmək olar. Məsələn, təxmin edilməyəcək situasiyalarda və ya məkanlarda reklam yerləşdirilməsi və ya “guerilla marketing”dən istifadə edilməsi buna nümunə ola bilər.
Interest
İlk mərhələdə insanların diqqətini çəkmək mahiyyəti daşıyırdısa, ikinci mərhələ diqqətini çəkdiyiniz insanlarda məhsula və ya xidmətə maraq oyatmaqdan ibarətdir. Reklammətnin qısa, anlaşılan olmasına və bunun maraq oyadan alltbaşlıqlar və şəkilləri ilə göstərilə bilər. Bunu edərkən hədəf auditoriyanın məhsul və ya xidmət ilə olan əlaqəsinə və ötürüləcək mesajın auditoriya üçün optimal variant olmasına da diqqət edilməlidir.
“Wendy’s”nin “Where is the beef ?” reklam kampanyası bunun üçün yaxşı nümunədir.
Bu reklam kampanyasında ötürülən mesaj “Wendy’s” qamburgerlərində mal ətinin digər rəqiblərindən daha çox olduğudur.
Desire
Modelin üçünücü mərhələsi məhsul və ya xidmətə münasibətdə insanlarda təlabət yaratmaq və ya bunu dərk etməsini təmin etməkdən ibarətdir.
Məsələn, informativ postlarda məshul və ya xidmət haqqında maraqlı məlumat verilir və istifadəsi ilə həll edə biləcəyi problemlər vurğulanır məhz bu funksiyasına görə insanlarda məhsulu əldə etmək arzusu və ya istəyi yaranır. Bu səbəbdən informativ məzmunlar AIDA modelinin üçüncü mərhələsinin yəni, insanlarda məhsulu əldə etmək arzusu yaratmaq üçün ideal yanaşmadır.
Action
Sonuncu mərhələdə məqsəd müştərini məhsulu almaq üçün hərəkətə keçirməyə təşviq etməkdir. Məşhur brendlər məhsul və ya xidmətlərin satın alışını həyatə keçirmək üçün yadda qalan qısa mətnlərdən (call to action) istifadə edirlər. Premium abunəlik alışı üçün məşhur brendlər daha çox “shop now”dan, Trendyol isə “üründen sadece 2 tane kaldı” kimi düşünülmüş neyromarketinq taktikalardan istifadə edir və bu yanaşmalara zaman faktoru da əlavə edilərik insanlara məhsulu alması üçün tələsməyə vadar edir.
AIDA modeli haqqında daha ətraflı məlumata malik olmaq və real praktiki nümunələri ilə daha aydın şəkildə başa düşmək üçün aşağıdakı linkə keçid edib videonu izləyə bilərsiniz.
AIDA modeli necə istifadə edilir ?
AIDA modelini düzgün istifadə etmək üçün hər bir mərhələdə sizə lazım olan suallarının cavabını öyrənmək lazımdır. Lakin düzgün cavabı öyrənmək üçün ilk növbədə düzgün sualı özümüzə ünvanlamaq lazımdır. AIDA modelini hər bir mərhələsində verməli olduğunuz sualları aşağıdaklardan ibarətdir.
Attention
- Alıcıları necə xəbardar edə bilərik ?
- Hansı sosial media kanallarından istifadə edirik ?
- Hədəf auditoriyaya mesajımız nə olmalıdır ?
Interest
- Məhsulun keyfiyyətini sübut edə bilirik mi ?
- Kontent planımız nədir ?
Desire
- İnsanların niyə bu məhsula təlabatı olmalıdır ?
- Alıcıya necə emosioanal təsir etmək olar ?
Action
- Call to action haralarda və necə istifadə edə bilərik ?
- İstifadəçilər qarşılıqlı əlaqəyə keçməsi kifayət qədər rahatdırmı ?
Daha çoxu üçün teleqram kanalımızı izləyin !